غرق اولموش گمی یم عمان ایچینده

له په لر اوینادیر دریادا منی

عؤمروم گونوم نئجه کئچدی بیلمه دیم

غم ائله چولغادی دونیادا منی

فقط تئز آیریلدیم شن حیاتیمنان

بلکه یوز اوخ کئچیب یئددی قاتیمنان

فلکده دوشوردو کؤهلن آتیمنان

قویدو بو یوللاردا پیادا منی

بیرطرفدن دؤشمن کسدی یولومو

بیرطرفدن دؤران قیردی قولومو

جان دئین دوستلاریم سوروب حالومو

سالمادی بیر دفعه نه یادا منی

غیرتی هرکسین جانیندا گزین

جسمینده قلبینده قانیندا گزین

کامیلی درد اهلی یانیندا گزین

نادان نان سوروشما مبادا منی

کامیل طبیب

گمی:قایق

له په: موج

جهت مشاهده منبع اصلی و ادامه این مطلب این مطلب کلیک کنید
در صورتی که این صفحه دارای محتوای مجرمانه است یا درخواست حذف آن را دارید لطفا گزارش دهید.

تبلیغات

این وبسایت تابع قوانین جمهوری مقدس اسلامی ایران بوده و در ستاد ساماندهی پایگاه های اینترنتی ثبت شده است.
تمامی محتوای موجود تماما خودکار از وبلاگ های فارسی دریافت میشود ؛ در صورت مشاهده هرگونه محتوای خلاف قوانین جمهوری اسلامی ایران ؛ گزارش دهید تا به قید فوریت حذف گردد.